ما قلت برجع ليك انا

ما قلت برجع ليك انا

بكرى سوركناب

ياما قلت برجع ليك انا .... خليتنى لى ليالى الضنى ... وبعادك ياما ابكى العيون واحزنا ... ويا سر غنانا ويا يا انا ... القصة كانت محزنة ... وكانت مشواير كم سنة وفى النهاية الغلطان انا
غلطان انا ... وانا القلت فيك حروف ملونة .. وصغت القصائد .... كم دندنة .... وشتلات ورود ... سنبلاية وسوسنا ... نسيت فى عينيك كل الليالى المحزنة ...برضو تقول غلطان انا وسالت النجمة ... سالتها برضو عن عينيك .... وبريق خدك ... لما يضوى .... سالتها ومنتظر ردك ...ولاقيت يا السمحة حروف صدك .... تاتيت الحروف مرسى  وكانت الدموع مرسال ... وخفقان القلب قصة ... وبين الحبوة والرقصة  كانت قصة ريد ...ودمعة سالت هسة .... وبرضو تصدقى !!! مشتاق ليك

وضحكات اطفال بريئة ... وعن محن ... وعن شوق .. وصدق مشاعر ... وعن شجن
... وعن انسان ... صادق فى مشاعرو ... رغم الزمن .... وصدقنى بيجن صباحات  مهما طالت السكة .... ومهما الدنيا جارت ... والايام ... وحروفنا ذاتا  احتارت ... وحتى البسمة لو غابت ... او فى لحظة اتوارت ... صدقنى بيجن صباحات

لا تسلنى عن احزانى
لا تسلنى
فالاحزان
تعرف طريقها الى قلبى
دون عنوان
ربما غبت عنى
ولم تغب ذكراك
والحان
كنا نرددها سويا
وبعض من ذكريات الماضى
او كما قيل
كان وما كان
وبعضى او كلى
يا انسان
تعترينى
يعترينى
بعض من
تصاريف الزمان
والحان
لم يشدو بها بلبل
او كروان
اهديها اليك
لحنا عبقريا
وبعض من اشجان
وتفتقت
رياحين
وازهار
وكلمات
وكنتى انتى
دنياى والزمان