صفحة شخصية تحتوى على مقالات ونثر وحوارات فكرية وسياسية
من اجل السودان والديمقراطية وحقوق الانسان
مدونتى الخاصة تحتوى على مقالات سياسية وثقافية وبعض من النثر والخواطر من اجل سودان معافى وسودان يسع الجميع
Friday 15 November 2013
وافترضتك لون اساسى يا وطن
وافترضتك لون اساسى يا وطن رغم الحزن رغم كل المحن والشجن وعيونى ياما كم بكن وافترضتك وكانت لى قضية ربما كانت فى عش قمرية او كانت فى قليب طفلة ندية يمكن تكون فى يد مسالمة يمكن تكون ساكنة المسالمة يمكن تكون ذاتا ظالمة وافترضتك لون فى جوانا باقى لحن يحمل كل اشواقى وكل نيران احتراقى ولسع نيران القضية مولعة جوانة ياصبية ما بين عمال المؤانى ولا ساكت بت تعانى او بتعرف معنى الهوية ويا صفية ليك اجمل وصية ليك من جواى فخرا ووهدية كونى الكنداكة انتى وياصبية لو خنت هواك انا اكون قد بعت القضية يكون لا مبدأ اعيش عليه اكون بلا هوية ويا وطن الجدود دموع نازلة على الخدود وشعلة شوق وعيون كايسة الهجود يا وطن ممدود وشاسع رغم كل المواجع اصلو ما نسيناك اشتهيك انا وبتمناك ومستحيل انسى هواك ويا وطن الجدود دموع نازلة على الخدود وشعلة شوق وعيون كايسة الهجود ويا وطن عز الشدايد انا عن نضالى مانى حايد لو كملت حتى القصايد مستحيل انسى هواك ويا وطنى يا بلد احبابى فى بعدك ذاد عذابى وانا مشتت فى اغترابى بس انت فاضل جوة فؤادى بكرى سوركناب
No comments:
Post a Comment